তারাষ্টকং
মাতর্নীলসরস্বতী প্রণমতাং সৌভাগ্যসম্পৎপ্রদে প্রত্যালীঢ়পদস্থিতে শবহৃদিস্মেরাননাম্ভোরুহে। ফুল্লেন্দীবরলোচনত্রয়যুতে কর্ত্রীং কপালোৎপলে খড়গঞ্চাদধতী ত্বমেব শরণং ত্বামিশ্বরী মাশ্রয়ে।। ১।। বাচামীশ্বরী ভক্তকল্পলতিকে সর্ব্বার্থসিদ্ধিশ্বরী গদ্যপ্রাকৃতপদ্যজাতরচনাসার্ব্বজ্ঞসিদ্ধিপ্রদে। নীলেন্দীবরলোচনত্রয়যুতে কারুণ্যবারাং নিধে সৌভাগ্যামৃতবর্ষণেন কৃপয়া সিঞ্চ ত্বমস্মাদৃশং।। ২।। সদ্যঃ কৃত্তগলদ্রজঃপরিমিলন্মুণ্ডদ্বয়ীমূর্ধ্বজগ্রন্থিশ্রেণিনৃমুণ্ডদামললিতে ভীমে ভয়ং নাশয়।। ৩।। মায়ানঙ্গবিকাররূপললনা বিন্দ্বর্দ্ধচন্দ্রাঙ্কিতে হুঁ ফট্কারময়ী ত্বমেব শরণং মন্ত্রাত্মিকে মাদৃশঃ। মূর্ত্তিস্তে
জননী ত্রিধা সুঘটিতা স্থূলাতিসূক্ষ্মা পড়া বেদানাং নহি গোচরা কথমপি প্রাপ্তাং নুতামাশ্রয়ে।।
৪।। ত্বৎপাদাম্বুজসেবয়া সুকৃতিনোগচ্ছন্তি সাযুজ্যতাং তস্য শ্রীপরমেশ্বরী-ত্রিনয়নব্রহ্মাদি-সাম্যাত্মনঃ। সংসারাম্বুধিমর্জ্জনে পটূতনুন্ দেবেন্দ্রমুখ্যান্ সুরান্ মাতস্তৎপদসেবনে হি বিমুখান্ কিং মন্দধীঃ সেবতে।। ৫।। মাতস্তৎপদপঙ্কজদ্বয়রজোমুদ্রাঙ্ককোটি-বিণস্তে দেবাজয়সঙ্গরে বিজায়িনো নিঃশঙ্কসঙ্কে
গতাঃ। দেবোঽহং ভুবনেন মে সম-ইতি স্পর্ধাং বহন্তঃ পরৈস্তত্তুল্যাং নিয়তং যথা শুচিবরীনাশং ব্রজন্তি স্বয়ং।। ৬।। তন্নামস্মরণাৎ পলায়নপরা দ্রষ্টুঞ্চ শক্তানতে ভূতপ্রেত-পিশাচরাক্ষসগণা যক্ষাশ্চ নাগাধিপাঃ। দৈত্যা দানবপুঙ্গাশ্চ খচরাব্যাঘ্রাদিকাজন্তবো ডাকিন্যঃ কুপিতান্তকাশ্চ
মনুজং মাতঃ ক্ষণং ভূতলে।। ৭।। লক্ষ্মীঃ সিদ্ধগণাশ্চ পাদুকমুখাঃ সিদ্ধাস্তথা বৈরিণাং স্তম্ভশ্চাগ্নিরণাঙ্গনে গজঘটাস্তম্ভস্তথা মোহনং। মাতস্তৎপদসেবয়া খলু নৃণাং সিধ্যন্তি তে তে গুণাঃ ক্রান্তিঃ কান্তমনোভবস্য
ভবতি ক্ষুদ্রোঽপি
বাচস্পতিঃ।। ৮।। তারাষ্টকমিদং পুণ্যং ভক্তিমান্ যঃ পঠেন্নরঃ। প্রাতর্মধ্যাহ্নকালে প্রাপ্য ভুক্ত্বা ভোগান্ যথেপ্সিতান্। কীর্ত্তিঃ কান্তিশ্চ বৈরুহ্যং সর্ব্বেযাং প্রিয়তাং ব্রজেৎ। বিখ্যাতিঞ্চাপি
লোকেষু প্রাপ্যান্তে
মোক্ষমাপ্নুয়াৎ। ইতি নীলতন্ত্রে তারাষ্টকং সমাপ্তং।।
