দক্ষিণাকালীকা_স্তোত্রম্

 

 দক্ষিণাকালীকা_স্তোত্রম্

ওঁ কৃশোদরি মহাচণ্ডী মুক্তকেশী বলিপ্রিয়ে। কুলাচারপ্রসন্নাস্যে নমস্তে শঙ্করপ্রিয়ে।।

ঘোরদংষ্ট্রে কোটরাক্ষি কিটীশব্দ প্রসাধিনী। ঘুরঘোরেরবাস্ফারে নমস্তে চিত্তবাসিনী।। 

বন্ধুকপুষ্পসংকাশে ত্রিপুরে ভয়নাশিনী। ভাগ্যোদয়সমুৎপন্নে নমস্তে বরবন্দিনী।। 

জয় দেবী জগদ্ধাত্রী ত্রিপুরাদ্যে ত্রিদেবতে। ভক্তেভ্যঃ বরদে দেবী মহিষঘ্নি নমোঽস্তুতে।। 

ঘোরবিঘ্নবিনাশায় কুলাচারসমৃদ্ধয়ে। নমামি বরদে দেবী মুণ্ডমালা বিভূষণে।। 

রক্তধারাসমাকীর্ণে করকাঞ্চিবিভূষিতে। সর্ববিঘ্ন হরে কালী নমস্তে ভৈরবপ্রিয়ে।। 

নমস্তে দক্ষিণামূর্তে কালী ত্রিপুরভৈরবী। ভিন্নাঞ্জনচয়প্রখ্যে প্রবীণশবসংস্থিতে।। 

গলচ্ছোণিতধারাভিঃ স্মেরাননসরোরুহে। পীনোন্নতকুচদ্বন্দ্বে নমস্তে ঘোরদক্ষিণে।। 

আরক্তমুখ শান্তাভির্নেত্রালিভির্নিরাজিতে। শবদ্বয়কৃতোত্তংসে নমস্তে মদবিহ্বলে।

পঞ্চাশন্মুণ্ডঘটিতমালালোহিতলোহিতে।। নানামণিভিশোভাঢ্যে নমস্তে ব্রহ্মসেবিতে।। 

শবাস্থিকৃতকেয়ুর, শঙ্খ-কঙ্কণ-মণ্ডিতে। শববক্ষঃ সমারূঢ়ে নমস্তে বিষ্ণুপূজিতে।। 

শবমাংসকৃতগ্রাসে সাট্টহাসৈ মুহুর্মুহুঃ। মুখশীঘ্র স্মিতামোদে নমস্তে শিববন্দিতে।। 

খরগমুণ্ডধরে বামে সব্যে ভয়বরপ্রদে। দন্তুরে চ মহারৌদ্রে নমস্তে চণ্ডনায়িকে।।

ত্বং গতিং পরমা দেবীং ত্বং মাতা পরমেশ্বরী। ত্রাহি মাং করুণাসার্দ্রে নমস্তে চণ্ডনায়িকে।।

নমস্তে কালীকে দেবী নমস্তে ভক্তবৎসলে। মূর্খতাং হর মে দেবী প্রতিভা জয়দায়িনী।।

গদ্যপদ্যময়িং বাণীং তর্কব্যাকরণাদিকম্। অনধিগতাং বিদ্যাং দেহি দক্ষিণকালীকে।।

জয়ং দেহি সভামধ্যে ধনং দেহি ধনাগমে। দেহি মে চিরজীবিত্বং কালীকে রক্ষ দক্ষিণে।।

রাজ্য দেহি যশো দেহি পুত্রান্ দ্বারান্ ধনং তথা। দেহান্তে দেহি মে মুক্তিং জগন্মাতঃ প্রসীড মে।।

ওঁ মঙ্গলা ভৈরবী দুর্গা কালীকা ত্রিদশেশ্বরী। উমা হৈমবতীকন্যা কল্যাণী ভৈরবেশ্বরী।।

কালী ব্রাহ্মী চ মাহেশী কৌমারী বৈষ্ণবী তথা। বারাহী বাসলী চণ্ডী ত্বাং জগুর্মুনয়ঃ।

। উগ্রতারিতে তারেতি শিবত্যেকজটেতি চ। লোকোত্তরেতি কালীকে গীয়তে কৃতিভিঃ সদা।।

যথা কালী তথা তারা তথা ছিন্না চ কুল্লুকা। একমূর্তিশ্চতুর্ভেদ বেদী ত্বং কালীকা পুরা।।

একদ্বিত্রিবিধা দেবী কোটিধানন্তরূপিণী। অঙ্গাঙ্গিকৈর্নামভেদৈঃ কালিকেতি প্রগীয়তে।। 

শম্ভুঃ পঞ্চমুখেনৈব গুণান্ বক্তুন্ ন তে ক্ষমঃ। চাপল্যৈর্যৎ কৃতং স্তোত্রং ক্ষমস্ব বরদা ভব।।

প্রাণান্ রক্ষ যশো রক্ষ পুত্রান্ দারান্ ধনং তথা। সর্বকালে সর্বদেশে পাহি মাং দক্ষিণকালীকা।।

যঃ সংপূজ্য পঠেৎ স্তোত্রং দিবা বা রাত্রিসন্ধ্যয়োঃ। ধনং ধান্যং তথা পুত্রং লভতে নাত্র সংশয়ঃ।।