শ্রীকৃষ্ণদ্বাদশনামস্তোত্রম্ (krishna stotran)

  
    
  
শ্রী গণেশায় নমঃ ।
শ্রীকৃষ্ণ উবাচ ।
কিং তে নামসহস্রেণ বিজ্ঞাতেন তবাঽর্জুন ।
তানি নামানি বিজ্ঞায় নরঃ পাপৈঃ প্রমুচ্যতে ॥ ১॥

প্রথমং তু হরিং বিন্দ্যাদ্ দ্বিতীয়ং কেশবং তথা ।
তৃতীয়ং পদ্মনাভং চ চতুর্থং বামনং স্মরেৎ ॥ ২॥

পঞ্চমং বেদগর্ভং তু ষষ্ঠং চ মধুসূদনম্ ।
সপ্তমং বাসুদেবং চ বরাহং চাঽষ্টমং তথা ॥ ৩॥

নবমং পুণ্ডরীকাক্ষং দশমং তু জনার্দনম্ ।
কৃষ্ণমেকাদশং বিন্দ্যাদ্ দ্বাদশং শ্রীধরং তথা ॥ ৪॥

এতানি দ্বাদশ নামানি বিষ্ণুপ্রোক্তে বিধীয়তে ।
সায়ং-প্রাতঃ পঠেন্নিত্যং তস্য পুণ্যফলং শৃণু ॥ ৫॥

চান্দ্রায়ণ-সহস্রাণি কন্যাদানশতানি চ ।
অশ্বমেধসহস্রাণি ফলং প্রাপ্নোত্যসংশয়ঃ ॥ ৬॥

অমায়াং পৌর্ণমাস্যাং চ দ্বাদশ্যাং তু বিশেষতঃ ।
প্রাতঃকালে পঠেন্নিত্যং সর্বপাপৈঃ প্রমুচ্যতে ॥ ৭॥

॥ ইতি শ্রীমন্মহাভারতেঽরণ্যপর্বণি কৃষ্ণদ্বাদশনামস্তোত্রং সম্পূর্ণম্ ॥